Hondamendi izendapena nahi dute lau herrik

Berria -

2018ko ekainak 16
BAIONA. Asteartean eta asteazkenean euriaren eraginez gertatu uholdeen ondorioak hondamendi natural gisa sailkatuak izan daitezela eskatu diote 48 herrik Pirinio Atlantikoetako Departamenduari. Kasik guztiak Biarnon kokatuak baldin badira ere, Lapurdiko lau herri daude prefetak jakinarazi zerrendan: Kanbo, Bardoze, Larresoro eta Luhuso. Lehen zerrenda horren ondotik, beste 30 herrik ere eskatu diote estatuari hondamendi naturalak jasan dituztela aitortzeko. Ondorioak izan ditu euriteak Ipar Euskal Herrian; besteak beste, 300 etxebizitza argindarrik gabe geratu ziren. Bidaxunen (Nafarroa Beherea), bide bat baino gehiago itxi behar izan zituzten, urak hartuta zeudelako, eta Baionako Rene Cassin lizeoa ere hustu egin zuten, bertara ura sartu zelako. Ospitalepean (Zuberoa), autoan harrapatuta geratu zen bikote bat uretatik atera zuten laborariek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna