Aurrez lortutako errentarekin, finalerdien bila

FUTBOLA. Gaur jokatuko dira Txapeldunen Ligako final-laurdenetako joaneko partidetako bi. Real Madrilek Stamford Bridgen jokatuko du, Chelsearen aurka. Madrildarrek 2-0 irabazi zuten Santiago Bernabeun, eta balentria egin beharko dute ingelesek kanporaketa iraultzeko. Napolik eta Milanek, berriz, Diego Armando Maradonan jokatuko dute, Napolin (Italia). San Siron jokatutako partidan 1-0 irabazi zuten Rossoneriek, baina Napoli lider da Italiako ligan, eta zaleen aurrean kanporaketa irabazten ahaleginduko dira, finalerdietan egoteko. Bi partidak 21:00etan jokatuko dira (Movistar).

Gaur irabazten dutenek bihar jakingo dute zer talderen aurka arituko diren finalerdietan. Real Madrilen eta Chelsearen arteko garaileak Manchester City edo Bayern Munich izango du aurkari —3-0 gailendu ziren ingelesak joanekoan—. Napolik edo Milanek, berriz, Benficaren eta Interren arteko garailea izango dute aurkari. Italiarrek 0-2 irabazi zuten joaneko partidan, Portugalen.