Athleticek ezin du kale egin gaur, Granadan

Athleticek ligako azken-hirugarren jardunaldiko partida du gaur Granadan (20:00, Movistar), eta ezin du hutsik egin, Europan sartzeko aukera gehiago ez zailtzeko. Izan ere, ez dago haren esku, aurretik baititu hiru talde hauek Conference liga eta Europako ligako hiru lekuetan: Vila-real, puntu bat gehiagorekin; Reala, lau gehiagoz; eta Betis, sei puntu goitik. Aurkaria jaitsieratik atera berri da, eta bi puntu azpitik du zuloa. Aitor Karankak laugarren partida zuzenduko dio gaur Granadari. Bestalde, Raul Garciak kontratua berritu du 2023ra arte, horretarako baldintzak bete baititu denboraldi honetan.