Autoarekin errepidetik atera eta pendizean behera erorita 23 urteko mutil gazte bat hil da Orotz-Betelun (Nafarroa), Olaldean. Zehazki, NA-2040 errepideko 14. kilometroan aurkitu dute autoa, bide bazterrean erorita. Atarrabiako (Nafarroa) bizilaguna zen hildakoa.
Goizeko zortziak inguruan hildakoaren senitarteko batek hots egin du Sos Nafarroara, eta gaztearen autoa bidetik kanpora amilduta aurkitu dutela agertu du. Aurizko suhiltzaileak, mediku bat eta erizain bat aritu dira salbamendu lanetan, baina gidaria hilda topatu dute.
Istripua noiz eta nola gertatu den argitzeko lanean ari da orain Foruzaingoa.
23 urteko auto gidari bat hil da Orotz-Betelun
Iruzkinak
Ez dago iruzkinik
Ordenatu
