25 urteko mutil gaztea Lasarten atxilotu zuen Ertzaintzak, atzo arratsaldean. Gidariak edana zegoela ematen zuenez, komisaldegira eraman zuten. Baimendutako alkohol maila laukoiztu zuela adierazi du Ertzaintzak.
Lehentxeago, zenbait lagunek Ertzaintzari deitu zioten AP-15 autopistatik Andoainerantz abiadura handian zihoan auto baten berri ematen. Lekukoek adierazi zutenez, autoak mugimendu zakar batzuk egin zituen beste autoak aurreratzean, eta, horietako batean, kontrola galdu zuen eta errepideko petril bat jo. Istripua izanda ere, aurrera jarraitu omen zuen gidariak.
Handik gutxira, ertzainek Lasarteko gasolindegian topatu zuten autoa. Atxilotua aske utzi dute, eta epailearen aurrera azaldu beharko du, hala eskatzen zaionean.
25 urteko gazte bat atxilotu du Ertzaintzak, baimendutako alkohol maila laukoiztu ondoren
Iruzkinak
Ez dago iruzkinik
Ordenatu
