Algecirasen euskal presoek gose greba hasi dute, bisitari kopurua murrizteagatik

Algecirasko (Espainia) kartzelan dauden euskal presoek gose grebari ekin zioten astelehenean, senide eta lagun bisitarien kopuruan ezarri dizkieten murrizketengatik, Askatasuna erakundeak jakitera eman duenez. Apiriletik sei hilabeterako bisitarien kopurua hamarrera murriztu diete, "horrek esan nahi duenarekin: bidaien prezioa, joan-etorria egiteko behar diren egunak, kostu fisikoa...". Hori dela-eta, Askatasunaren ustez "ezinezkoa da asteroko bisitak normaltasunez egitea".

Hango presoak espetxeko zuzendaritzarekin bildu eta "arazoa konpontzen saiatu" diren arren, "zuzendaritzak guztiz jarrera itxia erakutsi du, eta araua mantenduko duela berretsi du". Kartzelako "egoera estutzeko" arau gehiago izango dituzten beldur dira presoak, Askatasunaren arabera. "Horren aurrean borroka egitea da geratu zaien aukera bakarra".