Amnistiaren Aldeko Mugimenduak "txalotu" egin du erabakia

Amnistiaren Aldeko Mugimenduak (AAM) "baikortasuna" agertu du ETAk egindako "urrats garrantzitsu hau dela eta". "Agiria ETA erakundeak Euskal Herrian dugun gatazka, enfrentamendu eta errepresio egoera gainditzeko duen borondate argiaren adierazlea dela uste dugu. Alde horretatik, Gernikako Akordioaren sinatzaile gisa, Amnistiaren Aldeko Mugimenduak txalotu egin nahi du ETAk Gernikako akordioaren eta Bruselako adierazpenaren inguruan harturiko konpromisoa". 14:00 aldera atera du AAMk prentsa oharra.

AAMk dio Euskal Herriak "konponbide demokratikoa behar" duela, "Euskal Herriaren eta euskal herritarren eskubideak bermatzeko", eta Espainiako eta Frantziako estatuei dei egin die "errepresioa" geratzeko. "Alde horretatik, premia berezia du espetxeetako egoera latza konpontzeak".