Jose Luis Rodriguez Zapatero Espainiako Gobernuko presidenteak baketze prozesua hurbil legokeela iradokiz atzo egindako adierazpenekin poztu egin da Aralar. Halaber, noizbait eurek zein beste eragile batzuek esandakoa —hau da, bake prozesu bat abian jartzeko erabakia hartuta dagoela— baieztatzen ari dela iritzi dio Patxi Zabaleta koordinatzaileak.
Hala ere, PPren jarrera salatu nahi izan du: "Bunkerra, egun PPren izena eta jantzia duen bunkerra, egiten ari den oztopatze politika salatu beharrean gaude. Uste dugu salatu beharrekoak direla Raxoi, Acebes, Aznar eta enparauak", adierazi du.
Aralar poztu egin da Zapateroren adierazpenekin, eta PPren "oztopatze politika" salatu du
Iruzkinak
Ez dago iruzkinik
Ordenatu
