Aranburu: "Unibertsitate Legerik ezean, unibertsitatearen etorkizuna arriskuan dago"

Unibertsitate Legerik ezean, unibertsitatearen etorkizuna arriskuan dagoela adierazi du Martin Aranburu EAko legebiltzarkide eta Hezkuntza Batzordeko presidenteak. "Ziur naiz, unibertsitate komunitatea larrituta dagoela gaur hemen gertatu denarekin, azken finean, legerik ez baitauka. Eta horrek suposatzen du, besteak beste, kontratatuta dauden 1.200 irakaslek beren lanpostua arriskuan ikustea, horrek suposatzen duenarekin. Eta 1.200 pertsona horien inguruan hartu beharreko erabakia egiteko garaian pertsona horiengan pentsatu beharko litzateke, eta ez norberaren interes partidistetan", azpimarratu du Aranburuk.