Arkaitz Otazuaren lagun eta senideek gertatutakoa argitzea eskatu dute

Iragan igandean Herrerako Mendatean hildako Arkaitz Otazuaren senide eta lagunek argibideak eskatu dituzte. Eguerdian Bilbon eskaini duten prentsaurrekoan nabarmendu dutenez, “gertatutakoaren datu guztiak nahi ditugu”. Bestalde gaur egun Euskal Herriak bizi duen arazo politikoarentzat “benetako konponbidea” eskatu dute, “Otazuaren bezalako hilketak inoiz gehiago gerta ez daitezen”.