Iñigo Urkullu Eusko Jaurlaritzako lehendakariak ez zuen baztertu, Espainiako Gorteetarako hauteskundeak errepikatuz gero, Eusko Legebiltzarreko bozak egun berean egitea. Aukera horri buruz galdetuta, Hasier Arraiz Sortuko presidente eta EH Bilduko legebiltzarkideak Urkulluri eskatu dio "argitu" dezala hauteskundeak noiz izango diren, eta Espainiakoen egun berean egitearen aurka azaldu da.
Arraizen iritziz, hauteskunde bakoitzak "bere eszenatokia eta bere momentua" du, eta ust du Araba, Bizkai eta Gipuzkoako bozek ez dutela "zerikusirik" Espainiakoekin. Edonola ere, ez du uste bi bozak egun berean egiteak kalte egingo liekeenik indar abertzaleei.
