Estatuaren abokatuak 16.200 euroko isuna eskatu du Hasier Arraizentzat, "irain larriengatik". Akusazioak nabarmendu du Arraizek 2015eko urtarrilaren 12 eta 14 artean Guardia Zibilari "xake-mate" egiteko eskatu zuela. Aldiz, Juan Kalparsoro fiskala auzia artxibatzearen alde agertu da, iritzita adierazpenok "adierazpen askatasunaren barruan" kokatu behar zirela.
2014ko urtarrilean Euskal Preso Politikoen Kolektiboaren bitartekari taldearen aurkako Xake operazioaren ostean, Herrira-rekin lotutako lau lagun eta hamabi abokatu atxilotu zituen Guardia Zibilak urtebete geroago, Mate deituriko operazioan. Izenekin hitz jokoa egin zuen Arraizek, 2015eko urtarrilaren 12an, esanez "herri honek Guardia Zibilari xake-mate egiteko garaia" zela.
