Euskal Herriko hainbat gaztek "errepresioaren jopuntuan" jarraitzen dutela salatu du Askatasunak, gaurko operazioa dela-eta. "Beste behin gauak eskaintzen duen inpunitatean gazteak atxilotu eta inkomunikaturik eraman dituzte. Eroaldi errepresiboak ez du etenik Euskal Herrian, eta Zapatero Espainiako Estatuko presidente izendatu eta astebetera operazio berri bat egiteak argi erakusten digu zein den hark aurrera begira egiten duen apustua".
Estatuaren errepresioa antzua dela uste du Askatasunak. "30 urte eta gero ez al dira ohartu errepresioak ez duela independentziaren aldeko lana eta aldarrikapena gelditu?".
Gaur atxilotuen herrietan mobilizazioak izango dira, eta horietan parte hartzeko dei egin du. Oiartzunen 20:00etan elkartuko dira, plazan. Errenterian ere 20:00etan, plazan.
Askatasuna: "Argi dago zein den Zapaterok egin duen apustua"
Iruzkinak
Ez dago iruzkinik
Ordenatu
