Askatasunak jakinarazi duenez, libre geratu dira atzo Ertzaintzak Bilboko istiluetan atxilotutako lau lagunak. Haietatik bat atzo utzi zuten aske, eta beste hirurak gaur pasatu dira epailearen aurretik; ondoren utzi ditu honek libre. Desordena publikoak eragiteaz akusatuak daude eta euren aurkako bide judizialak aurrera jarraitzen du.
Ertzaintzak indarrez galarazi zuen atzo EHAKren eta EAE-ANVren legez kanporatzeen aurka protestatzeko ezker abertzaleak Bilbon antolatu zuen manifestaldia. Ondorioz, istilu handiak izan ziren eguerdian hasi eta arratsalde guztian Bilboko erdialde osoan; Ertzaintzak lau lagun atxilotu zituen, eta beste lau bat izan ziren zaurituak. Atxilotuetako bat zauritu egin zen.
Txikizioak ere handiak izan dira: autoak eta edukiontziak gurutzatu eta irauli zituzten manifestarietako zenbaitzuk. Bilboko Udalaren arabera, 315 dira irauli dituzten edukiontziak, eta horietako batzuei su eman dietela nabarmendu du.
Aske geratu dira atzo Ertzaintzak Bilboko istiluetan atxilotutako lau lagunak
Iruzkinak
Ez dago iruzkinik
Ordenatu
