AZKEN ALBISTEAK. Segurtasun indarren oldarraldia, unez une.

Azken ordua

19:00: 646 lagun eritetxean daude, 227 haur tarteko Itar-Tass agentziaren arabera.

18:10: Eskolan bahitutakoak 1.200 inguru izan zitezkeela jakitera eman dute gobernu iturriek.

18:05 Beste leherketa entzun da eskola inguruetan.

17:45: 60 hildakoren gorpuak identifikatu dituzte.

17:30: Hildakoen kopurua 150tik gorakoa dela adierazi dute polizia ofizialek.

17:14: Hainbat haurrek bahiturik jarraitzen dutela argitu dute polizia ofizialek.

16:45: Eskolako sotoan hiru erreboltari daude Interfax agentziaren arabera. Horien artean, bahitzaileen burua.

16:30: Eskolako gimnasioan ehundik gora gorpu topatu dituztela zabaldu dute larrialdiko zerbitzuek.

16:07: Tiroketetan 10 bahitzaile hil direla adierazi du Interfax agentziak.

15:45: Eskolako gimnasioan ehundik gora gorpu topatu dituztela zabaldu du Interfax agentziak.

15:30: Eskolan sartzea ez zeukatela planifikatuta esan dute Errusiako segurtasun indarrek.

15:22: Iturri ofizialen arabera, 400dik gora zauritu dira oldarraldian.

15:11: Eskolako teilatua erori denean dozenaka lagun hil direla zabaldu du Interfax agentziak.

14: 50 Gorpuak biltzeko zaku berezien pila handi bat eraman du Armadak eskolara.

14:07: Leherketak eta tiroak entzuten ziren oraindik eskola inguruan.

13:53: Ipar Osetiako larrialdi zerbitzuek emandako datuen arabera, gutxienez bahituetatik 250 bat zaurituta daude; haietatik 180 bat haur eta gaztetxoak dira.

13:25: Errusiako agentzien arabera, erreboltariak gotortutako etxea hartu nahian dabiltza segurtasun indarrak.

13:20: 13 bahitzaile etxe batean gotortu direla zabaldu da.

13:15: Interfax agentziaren arabera, bahitu guztiak eskolatik kanpo daude jada.

13:08: Hildakoen gorpuak eskolatik ateratzen hasi dira agentzien arabera; oraingoz, hamar bat lirateke.

13:05: Leherketak eta tiroketak entzuten jarraitzen da eskola inguruetan.

13:00: Iturri batzuen arabera, alde egitea lortu duten bahitzaileek zenbait haur eurekin eraman dituzte.

12:50: Informazio batzuen arabera, erreboltariak hiritik ihes egiten saiatzen ari dira.

12:45: Itar-tass agentziak zabaldu du Errusiako Armadako soldaduak hormak zulatzen ari direlako entzun direla zarata horiek. Bahituek ihes egin dezaten arituko lirateke hormak zulatzen.

12:30: 158 bat haur eritetxeetan zeudela zabaldu da.

12:28: Medikuak eskolara sartu direla agertu dute lekuoek.

12:15: Bahitzaileetatik bost hil dituztela zabaldu da.

12:13: Bahituetako gehienak bizirik daudela zabaldu du Interfax berri agentziak.

12:05: Errusiako indarrak eskola ia kontrolpean zutela adierazi dute Armadako buruek.

11: 53: Beste leherketa handi bat entzun da.

11:46: Bahitzaileetako batzuk eskolatik alde egiten saiatzen ari zirela zabaldu da.

11:31: Zaurituak eramaten hasi dira anbulantziak. Larrialdiko erietxe bat ezarri dute eskola ondoan.

11:30: Eskolako teilatuaren zati bat erori dela jakin da.

11:14: 30 bat gatibuk eskolatik alde egin dute. Haurretako batzuk odolez beteta zeuden.

11:05: Bi leherketa handi eta tiro hotsak entzun dira eskola inguruan. Armatutako soldaduak ikusi dituzte eskola aldera lasterka sartzen.