Gaur goizean Gazako zubi bati eraso egin diotela jakinarazi du Israelgo Armadak. Antza denez, Armadako iturrien arabera, ekintzaileek zubi hori erabili ohi zuten inguru horretara joan eta bertatik Al Kasam koheteak jaurtitzeko.
Zubiaren aurkakoa ez da gaurko eraso bakarra izan. Palestinako segurtasun eta osasun zerbitzuetako iturriek jakinarazi dutenez, ekintzaile palestinar bat hil eta lau zauritu dira bi erasotan.
Antza denez, lau ekintzaile auto batean zihoazen Beit Hanun hirian barna misil ia-ia misil batek jo dituenean. Misilak ez du jomugan asmatu eta ihes egitea lortu dute. Erietxera ailegatu dira zauri arinekin.
Ondoren baina, bi ekintzaile erasoa izan den lekura itzuli dira autoa hartzeko asmoz. Baina orduan, lekukoen arabera, berriro egin diete eraso airez; bat hil egin da eta bestea zauritu.
ekialde hurbila
Azpiegituren aurkako erasoekin jarraitzen du Israelgo Armadak eta beste palestinar bat hil du
Iruzkinak
Ez dago iruzkinik
Ordenatu
