Ehud Barak Israelgo Gobernuko Defentsa ministroak adierazi du Gazan (Palestina) hil dituzten "gehienak" Hamaseko kideak direla. "Oso kolpe gogorra jaso du Hamasek, baina oraindik baditugu helburuak lortzeke. Errealitate berria sortu nahi dugu Gazan", esan du Barakek.
Haren arabera, Israelek "bakea eta lasaitasuna" nahi ditu, eta bere biztanleak "babesteko ahal den dena" egiten ari da. "Gure herritar denek bat-eginik begiratzen digute, eta badakite bataila hau justua dela".
Barakek aitortu du israeldar soldadu bat hil dela abenduaren 27an erasoa hasi zutenetik, eta beste hamabi zauritu egin direla -lau larri daude-.
Barak: "Israeldarrek badakite bataila hau justua dela"
Iruzkinak
Ez dago iruzkinik
Ordenatu
