2003ko apirilean sortu zuten BERRIA Taldea, Espainiako Auzitegi Nazionalak Euskaldunon Egunkaria itxi ondoren. 24.000 akziodunetik gora dauzka eta bi atal nagusi ditu: BERRIA hedabideak (egunkaria, webgunea, Hitza kazetak...) eta Bidera zerbitzuak. Euskarazko komunikazio eremua indartu eta sendotzea da taldearen egitekoa.
BERRIA egunkariak 60.000 irakurle ditu eta Hitzek 92.000, CIESen neurketaren arabera. BERRIA.INFOk 18.000 bisitari ditu egunero; sakelako telefonoetarako bertsioa prestatu berri du.
