Aurore Martin Batasuneko kideak aske geratzeko berme gisa ordaindu behar dituen 15.000 euroak biltzen ari dira gaur goizean Baionan eta Donibane Garazin. Helburu modura, 300 pertsonek 50 euro ordaintzea da. Baionan Pyrénées ostatuan ari dira dirua jasotzen, eta Donibane Garazin, Kalaka ostatuan. "Denen mobilizazioari esker Auroren askapena marrazten ari zaigu. Gizartearen mobilizazioari esker lortuko dugu fidantza ordaintzea eta Aurore bere senideekin ondoan izaitea", esan du Batasunak.
Kartzelatik atera ostean, Martini ez diote jendaurreko harrerarik egingo gaur. Hurrengo batean izango da hori.
