Hitzordu garrantzitsua izango du Realak etzi Donostian, Espainiako Lehen Mailako igoera eskura baitu, eta BERRIA.INFOk partidaren zuzeneko kontakizuna egingo du, Twitter bidez. 18:00etan hasiko da Reala-Celta; BERRIAren webguneak bost minutu lehenago ekingo dio kontakizunari.
Irakurleek parte hartzeko aukera izango dute, iruzkinean #reala idatzita.
BERRIA.INFOk partidako giroari buruzko bideo batzuk ere egingo ditu igandean.
Webguneak Twitter bidez egin dituen zuzeneko kontakizunen artean, Egunkaria-ren kontrako epaiketakoak izan du jarraipenik handiena; Espainiako Auzitegi Nazionaletik bertatik kontatu zituen saioak.
BERRIA.INFOk egunero 18.000 bisitari ditu. Duela bi urte erdiak zeuzkan.
BERRIA.INFOk Realaren etziko partidaren zuzeneko kontakizuna egingo du
Iruzkinak
Ez dago iruzkinik
Ordenatu
