Bi gizon atxilotu dituzte Oiartzunen eta Irunen bikotekideei eraso egitea egotzita

Azken orduetan bi gizon atxilotu ditu Ertzaintzak Gipuzkoan, beren bikotekideei tratu txarrak eman dizkietelakoan.

Jaurlaritzako Herrizaingo Sailaren arabera, mozkortuta zegoen gizonezko bat atxilotu zuten atzo 13:15 aldera Oiartzungo kanpin batean, eztabaidan ari zirela emazteari hatzarra haustea egotzita. Iturri horiek agertu dutenez, mozkortuta zegoela-eta gizonak autoko giltzak har zitzan eragozten saiatu zen andrea, eta orduan eraso zion gizonak.

Bart goizaldean, berriz, Irunen beste gizon bat atxilotu dute ertzainek. Aipatu iturrien arabera, furgoneta batean ari zen gaua igarotzen bikotea, eta gizonezkoak eskuko telefono batekin eta ukabilekin jo du andrea, eta ibilgailutik indarrez aterarazi du soinean barneko arropa besterik ez zuela. Han hurbilekohotel batean eskatu du laguntza emakumezkoak.