Star TV telebista kate turkiarreko bi kazetari atxilotu ditu Egiptoko armadak, kate horrek jakinarazi duenez. Herrialdeak bizi duen krisi politikoaz informatzeko joan ziren Murat Uslu berriemailea eta Zafer Karakas kameraria Egiptora, lanera.
"Kairon dagoen Turkiako enbaxada kasua aztertzen ari da. Gure lankideak berehala askatzea nahi dugu", adierazi du Nazli Oztarhan, kate horretako albistegietako arduradunak.
