"Sakabanaketak eragindako istripua" izan zuten larunbatean Joseba Segurola eta Aitor Boresen euskal presoen hiru lagunek Espainian, Etxerat erakundeak jakinarazi duenez.
Segurola eta Bores Murtzian daude preso, Euskal Herritik 800 kilometrora, eta haiek bisitatzetik zetozela izan zuten ezbeharra, goizeko hamaikak aldera Albacetera doan errepidea hartzean. Autoak kalteak izan ditu baina beraiek ez.
Etxeraten arabera, presoen senide edo lagunek aurten izandako bederatzigarren istripua da, eta 21 pertsonek
izan dituzte ezbehar horiek.
Espetxe politika bukatzeko eskatu du Etxeratek, "heriotzak, gaixotasun fisiko eta psikiko larriak, zauriak, izugarrizko odoluste ekonomikoa... sorrarazten dituelako", eta euskal presoak herrira ekartzeko konpromisoa izateko galdegin die eragileei.
Bi presoren lagunek auto istripua izan dute Espainian
Iruzkinak
Ez dago iruzkinik
Ordenatu
