Bihar jakinaraziko dute Tunisian gobernu berriaren osaketa

Tunisiako etengabeko protestek Zine el Abidine Ben Ali presidentearen gobernua ez ezik, hura joan ostean eratutako behin-behineko gobernuaren dimisioa ere eragin dute. Bihar jakinaraziko dute trantsizioko exekutiboaren eraketa berria. Ben Aliren gertukoak sartu ziren behin-behineko gobernuan, eta horrek eragin zuen herritarrek protestei eustea. Gobernuaren jauregiaren aurrean atzo ere milaka lagun elkarretaratu ziren "benetako aldaketak" aldarrikatzeko; askok etxeratze aginduari muzin eginez kalean igaro zuten gaua. Ben Alik hilaren 14an alde egin zuen Tunisiatik.