Datorren urtetik aurrera Poliziari deitu eta bikotekidearen iraganaz galdetzeko aukera izango dute Ingalaterrako eta Galesko emakumeek, Clare bezala ezagutzen den legea indarrean jarriko baitute. Iaz proba gisara jarri zuten Ingalaterrako Manchesterren, Wiltshiren, Nottinghamen, eta Galesko Gwenten, eta datorren urtetik aurrera bi herrialdeetako leku guztietara zabalduko dute.
George Appleton bikotekideak hil zuen Clare Wood, Manchesterren, 2009an, eta berak ez zekien aurrekariak zituela, eta sekulako oihartzuna izan zuen gertakari hark.
