Eusko Jaurlaritzako Herrizaingo Sailak debekatu egin du Adierazpen askatasunaren alde,Demokrazia lelopean biharko zenbait konpartsa kide eta herritarrek deitutako manifestazioa. Aurretik ezker abertzaleak Independentziaren bidean, aldaketa polítiko eta soziala lelopean antolatutako martxaren "jarraipena" dela argudiatu du.
Gainera, Bilboko herritarrek eta konpartsetako hainbat kidek deialdia egiteko baimena "hamar egun lehenago" eskatu behar zutela eta deialdiak "atzean beste asmo batzuk ezkutatzen" dituela adierazi du.Manifestazioa egin ez dadin, "beharrezko neurriak" hartuko dituela gaineratu du Herrizaingo Sailak.
Bestalde, gaur erabaki du EAEko Justizia Auzitegia Nagusiak ezker abertzaleak Bilbon biharko deitutako manifestazioa debekatzea. Eusko Jaurlaritzako Herrizaingo Sailak eta Baltasar Garzon Espainiako Auzitegi Nazionaleko epaileak ere galaraztea erabaki zuten.
Bilboko hainbat herritarrek eta konpartsetako kidek deitutako manifestazioa debekatu du Herrizaingo Sailak
Iruzkinak
Ez dago iruzkinik
Ordenatu
