ELA sindikatuak "gaitzetsi" egin du atzo Bilbon gizon batek 25 urteko emakumea bortxatu izana, eta emakumaren lan baldintzak salatu ditu. Gizarte hezitzailea da bera, eta lanean ari zela bortxatu zuen gizonak. Gertatutakoa sektore horrek bizi duen egoera "prekarioaren" ondorio dela pentsatzen du ELA sindikatuak. "Lan baldintzak eta langileen bizitza bera ere arriskuan jartzen ditu bizi duten egoerak".
Horregatik, gertakaria "gaitzesteaz" gainera, erakundeei esku hartzeko eta haien ardurak "beren gain" hartzeko eskatu die; "finantziazioa zehaztuz" eta bizi duten errealitateari aurre egiteko nahikoa errekurtso eskainiz.
