Bost autok elkar jo ondoren auto ilara luzeak sortu dira N-1ean, Lasarte inguruan

Bost autok elkar jo dute gaur goizean N-1 errepidean, Lasarte-Oria (Gipuzkoa) parean, Donostiarako noranzkoan. Traba handia sortu dute ibilgailuek, eta auto ilara luzeak eragin Donostia aldera. Goizeko zortzi eta erdiak inguruan kendu dituzte ibilgailuak trabatik, baina, hala ere, denbora luzez iraun dute ilarek. Une batean 9 kilometrokoak izatera iritsi dira.