Larunbatean Jesus Llamasek hartu zuen bide bera hartu zuen atzo David Lozano Arabako Ezker Batuko koordinatzaileak. EAJrekin Arabako bi batzarkideen babesa negoziatu zuen ordezkaritzako kide zen Llamas, eta negoziaketetan EAJri babesaren truke hainbat kargu eta diru eskatu zitzaiola jakin ondoren, eskandaluak bera ere aurretik eraman du.
Lozanok esan du alderdia osatzen duten "familiek engainatuta" sentitzen dela, "manipulatua eta erabilia".
Mikel Arana Ezker Batuko koordinatzaileak atzo esan zuen alderdiak auzia aztertuko duela, eta zigorrak iragarri zituen erantzuleentzat, zuzendaritzak jakin gabe negoziatzeagatik.
