EB-Berdeetako koordinatzaile nagusi Javier Madrazok Iñaki De Juana Chaos euskal presoa askatzeko eskatu du gaur, Radio Euskadin. "Hiltzailea izan zen, bai, hiltzaile handia, baina bere zigorra betea dauka, eta ezin zaio 12 urteko espetxe zigorra jarri bi iritzi artikulurengatik", azaldu du. Gainera, De Juana mugagabeko gose greban dagoela ekarri du gogora, eta horrek ez diola prozesuari batere laguntzen azpimarratu du.
Horregatik, ausarta izateko, eta presoa aske uzteko eskatu dio Espainiako Gobernuari.
Prozesuak bultzada behar duela uste du Madrazok, eta herritarrak mobilizatzea eta pentsatzen dutena esatea oso garrantzitsua dela azaldu du.
De Juana askatzeko eskatu du Madrazok
Iruzkinak
Ez dago iruzkinik
Ordenatu
