Azken egunetako ziklogenesi lehergarriak gorakada nabarmena eragin du haize erroten produkzioan eta argindarraren handizkarien merkatuetan —pool izenez ezagunak— prezioak %93 hondoratzea ekarri du.
Prezioen hondoratzea Espainiako Gobernuak baliogabetutako joan den asteko enkantearen ostean etorri da. Urtarrilerako argindarraren sorreren kostuari dagokion zatia %26 igotzea erabaki zuten enkantean, eta faktura %12 inguru igotzea. Bada, AEE Espainiako Eolikoen Enpresen Elkartearen arabera, pool-eko prezioen azken beherakadak "oso argi" lagatzen du teknologia eolikoak merkatua merkatzeko duen joera.
Biharko pool-aren prezioa orduko megawatt bakoitzeko 12,84 eurotakoa da, besteak beste, azken egunoetako haizeteari esker Espainiako ekoizpen elektrikoaren %50 inguru haize errotek egin dutelako. 2013an eolikoen sektorea izan dira argindar produkzio handiena sortu duena, eta atzo goizeko 7:30ean, esaterako, Espainiako produkzio elektriko osoaren %53 haize errotek sortu zuten.
Baina prezioak ere boladaka aldatzen dira eolikoen sektorean. Abenduarne 8an, adibidez, antizikloialdiaren ondorioz, 93,11 eurotara iritsi zen prezioa, 2002tik garestiena.
