Europako Batasuneko gobernuburu eta estatuburuek urteko azkeneko goi-bilera egingo dute gaur. Helburua eurogunearen arazo "estrukturalak" konpontzea izango da eta merkatuen konfiantza berreskuratzea. Lehentasuna diziplina gehiago ezartzea da. Horretarako datorren urtean Euroguneko herrialdeek erreforma ekonomiko garrantzitsu bat egin aurretik Bruselari jakinaraztea derrigorrezkoa izango dute.
Euroguneak bere aurrekontuak izan dezan Herman Van Rompuy Europako Kontseiluko presidenteak aurkeztu zuen plana atzeratu egingo da; horrekin krisian dauden herrialdeetako langabezia sariak finantzatu nahi ziren. Planak lehentasuna galdu du, eta atzeratzeaz gain, aukera gisa agertuko da soilik, ondorioetan.
Goi-bilerako protagonista nagusia Mario Monti Italiako lehen ministroa izango da, dimisioa eman ondoren.
