Ezker Abertzalea legebiltzar taldeak gogor salatu du gaur Gasteizko Legebiltzarreko Mahaiak. Joan den asteazkenean legez besteko proposamen bat aurkeztu zuen EABk. Proposamena “premiazkotzat” hartzea eskatu zuen EABk ahal bezain pronto Legebiltzarreko Giza Eskubideen batzordean aztertzeko. Legebiltzarreko Mahaiak, ordea, ohiko prozedura jarraitzea erabaki du. De Juanak ordea ezin duela hilabete itxaron salatu du EABk.
EABk salatu duenez, prozedura arruntaren bidez gainerako alderdiek 15 egun izango dituzte orain zuzenketak aurkezteko. Beraz, hiru edo lau aste pasa daitezke gaia Gasteizko Legebiltzarreko Giza Eskubideen batzordean jorratzen den arte. Iñaki de Juanak 44 lagun egun beteko ditu gaur gose greban eta horrenbestez, eztabaida hilabete atzeratzea “erabaki koldarra” dela eta “hotzikara” eragiten duela salatu du EABk.
Politika
EABk De Juanaren alde aurkeztutako "premiazko" eskaera atzera bota du Legebiltzarreko Mahaiak
Iruzkinak
Ez dago iruzkinik
Ordenatu
