Pello Urizar EAko idazkari nagusiak uste du Espainiako Gobernuak "presoez eta armez hitz egiteko" ETArekin "harremanetan hasi" beharko lukeela, "hilabete batzuen buruan oztopoei konponbidea aurkitu" ahal izateko.
Aieteko adierazpenari jarraitzeko dei egin dio Urizarrek Mariano Raxoi Espainiako presidenteari. Haren arabera, biktimen inguruan "asko geratzen da egiteke", "biktima guztien" aitortzaren inguruan, hain zuzen.
"PP Espainiako Gobernura heldu zenetik, gero eta nabarmenago uzten ari da Patxi Lopez", esan du Urizarrek.
