"Momentu zail batean da lurralde elkargoaren aldeko koordinakundea, baina ez da oraindik azken hatsean". Horra hor zer zehaztu zuen atzoko prentsaurrekoan Martine Bisautak, koordinakundearen barnean Batera-k duen ordezkariak. Hain zuzen, isiltasuna da nagusi egitura horren partetik. Frederique Espagnacek aurkeztu aldaketari begira ez du oraindik adierazpen ofizialik egin. Astelehenean ukan zuten hiru orduko bilkura, eta datorren astean berriz bilduko dira. Tarte horretan, koordinakundeko bost egiturek (Hautetsien Kontseilua, Batera, Garapen Kontseilua, Merkataritza eta Industria Ganbera eta Auzapezen Biltzarra) beren kideekin adostu beharko dute egoera berri horri buruzko posizioa. "Egoera ez da erraza. Osasun onean ote gara? Ez. Baina egin ahala eginen dugu eraikitakoak segitu ahal izan dezan".
Egoera "zailean" izan arren, aitzina segitzen du koordinakundeak
Iruzkinak
Ez dago iruzkinik
Ordenatu
