Atzo Iruñean Egoi Irisarri euskal presoaren amonaren hiletan Espainiako Poliziak kargatu egin zuela dio Amnistiaren Aldeko Mugimenduak (AAM). Donibane auzoko elizan izan zen elizkizuna, eta han zen Irisarri, poliziek espetxetik eramanda. Bukaeran oldartu zen Polizia, AAMren arabera.
"Kanpoan 50 polizia inguru gelditu ziren, eta barrura sei sartu ziren aurpegia estalita eta armak soinean zituztela. Egoi elizan sartu zenean, barruan zeuden lagunek txalo eta oihu artean hartu zuten. Meza amaitzean aitarekin, amarekin eta arrebarekin egoteko aukera izan zuen une batez. Ondoren elizatik atera zuten, eta poliziek euren borrekin presoa agurtzen ari ziren herritar ugari jo zituen", esan du AAMk gaur.
Irisarri iazko urrian atxilotu zuen Poliziak, gazte independentisten aurkako operazio batean.
Egoi Irisarri presoaren amonaren hiletan kargatu egin du Espainiako Poliziak
Iruzkinak
Ez dago iruzkinik
Ordenatu
