ELA, LAB, ESK, EILAS, EHNE eta Hiruren iazko eta aurtengo ekimen bateratuak

Greba orokorra. 2009ko maiatzaren 21ean Hego Euskal Herrirako greba orokorra antolatu zuten, "bestelako eredu sozio-ekonomikoaren alde". Jarraipen handia izan zuen.

Dekalogoaren aurkezpena. 2009ko irailaren 15ean “krisia gainditzeko” dekalogoa aurkeztu zuten, eta mobilizazioak egin zituzten hurrengo egunetan Donostian, Eusko Legebiltzarraren aurrean eta Nafarroako Parlamentuaren aitzinean.

=b'Askatasunaren alde' nazio manifestazioa.=b 2009ko urriaren 17an, eurek deituta, manifestazio nazional erraldoia izan zen Donostian, Askatasunaren alde. Eskubide guztiak guztiontzat lelopean, Arnaldo Otegi, Rafa Diez eta ezker abertzaleko beste zortzi lagunen atxiloketak salatzeko. “Irtenbide demokratikoa” aldarrikatu zuten. (Bideoak BerriaTBn: deialdia eta agiria eta manifestazioa).

Jaurlaritzaren politika ekonomikoaren aurka. Eusko Jaurlaritzaren politika ekonomikoaren kontrako manifestazioa egin zuten 2009ko azaroaren 13an, Gasteizen.

Murrizketen aurkako mobilizazioa. Manifestazioa egin zuten Gasteizen, 2010eko martxoaren 2an, Erreformen aurrean, langileok eredu berri bat lelopean. Egungo eredu sozio-ekonomikoaren aurrean "alternatiba" badela zioten.

Greba arlo publikoan. 2010eko maiatzaren 25ean Hego Euskal Herriko arlo publikoko greba deitu zuten eta, sindikatuen arabera, "oso jarraipen ona" izan zuen lanuzteak.

Lan erreformaren kontrako manifestazio nazionala. Euskal gehiengo sindikalak deituta, Bilbon manifestazio nazionala egiten ari dira gaur, Murrizketarik ez! Euskal langileok gure etorkizunaren jabe lelopean, Espainiako Gobernuaren lan erreforma egitasmoaren aurka egiteko. Ezker abertzalearen, EAren, Aralarren eta Alternatibaren babesa jaso dute.