Elkarretaratzeak egin dituzte unibertsitateetan

Egunkaria libre! aldakarriatu dute gaur eguerdian Hego Euskal Herriko unibertsitateetan. EHU Euskal Herriko Unibertsitatearen hiru campusetan eguerdian, 12:00etan, egin dituzte elkarretaratzeak. Donostian, gelategiaren aurrean elkartu dira; Leioan, Mikel Laboa plazan; eta Gasteizen, Letretako Fakultatearen atarian. 12:00etan izan da MU Mondragon Unibertsitateko protesta ere, Eskola Politeknikoaren aurrean, Arrasaten (Gipuzkoa). HUEZI fakultatean ere azken orduan erabaki dute protesta egitea. NUP Nafarroako Unibertsitate Publikoan, berriz, 11:00etan egin dute protesta, Iruñeko campusean, liburutegiaren aurrean.