PSE-EEko bozeramaile Rodolfo Aresen arabera, beren kontrako salaketak eginez barne arazoak estaltzen ari da Batasuna; hots, "bere arazoak besteei errua botaz" konpondu nahi izatea egotzi dio. Ildo horretatik, alderdien arteko elkarrizketa oraindik hasi ez izanaren errua Batasunarena dela ziurtatu du, ez dituelako "legalitatera itzultzeko" urratsak egiten. Batasuna "legal bihurtu ezean" ez dutela harekin negoziazio politikorik abiatuko azpoimarratu du.
Batasunak hori jakin badakiela erantsi du PSEko buruzagiak, besteak beste, sozialistek behin eta berriz adierazi dietelako. "Ezker abertzaleak elkarrizketa politikoan parte hartu nahi badu badaki zer egin behar duen".
Nolanahi ere, Batasunak gizartearen zati bat ordezkatzen duela eta horregatik elkarrizketa politikoan sektore hori egotea garrantzitsua dela onartu du Aresek.
Elkarrizketa politikoa Batasuna ari dela atzeratzen erantzun du PSEk
Iruzkinak
Ez dago iruzkinik
Ordenatu
