Emakumeen kontrako indarkeria jasan dezaketen emakumeak babesteko enpresa pribatuak kontratatzea aztertzen ari da Ertzaintza

Emakumeen kontrako indarkeri kasuetan aditua den ertzain bat elkarrizketatu dute gaur 'Radio Euskadi'-n, eta hark esan duenez, arriskuan dauden emakumeak babesteko enpresa pribatuak kontratatzea aztertzen ari da Jaurlaritzako Herrizaingo Saila.

Gizonek urruntze-agindua puskatzen dutenean, abisua azkarrago emateko eskatu die, gainera, emakumeei.

"Gaur egun dauzkagun giza baliabideekin ezin diegu etengabeko zaintza-zerbitzua eskaini erasotzailea urrun edukitzeko agindua lortu duten biktimei. Oraintxe bertan ez daukagu horrelako zerbitzurik, baina, aurten, hainbat kontratu egitea aurreikusten ari gara, segurtasun enpresekin, esate baterako".