Negozio bideragarriak salba ditzagun. Fagor Edesa ez itxi lelopean elkartu dira Basauriko (Bizkaia) lantegiko beharginak, eta erakundeei eskatu diete "batera" lan egin dezatela Fagor Etxetresnetako negozio bideragarriek martxan jarraitzeko.
"Ez da ulergarria hartzekodunen konkurtsoaz harago bizirik jarrai dezaketen negozioak desagertzera edo lanpostuak bermatzen ez dituzten inbertitzaileei saltzera behartzera", esan du langileen bozeramaile Fernando Oterok. Lankidetzan jarduteko eskatu die Jaurlaritzari, diputazioei, Fagorri eta Mondragon Korporazioari, lanpostuei euste aldera bideragarritasun plan bat egiteko.
