ERREAKZIOAK. Jaurlaritzak gustura hartu sarekada, "ETA ahultzeko" balioko duelakoan

Pozik agertu da Idoia Mendia Jaurlaritzako bozeramailea Espainiako Poliziak Askapenaren kontra egindako sarekadarekin. Izan ere, "ETA ahultzeko" balioko duela uste du. "Atxiloketa hauek hainbesteko arrakasta izan duen eta ETAren ahultasun handienera eraman gaituen politika antiterroristaren beste froga bat dira", adierazi du Gobernu Kontseiluaren ondorengo prentsaurrekoan. "Terrorismoaren kontrako borrokak" ildo horretatik jarraitu behar duela azpimarratu du.