Espainiako bandera erretzearen kontra justiziak izan duen azkartasuna azpimarratu du Michavilak

Espainiako Justizia ministro Jose Maria Michavilak atzoko manifestazioan bandera erretzearen kontra justiziak izan duen azkartasuna azpimarratu du gaur. "Gaizkile horiei legearen pisua eroriko zaie", adierazi du Michavilak. Efe agentziak esan duenez, Justizia ministroa, manifestazioan gertatu zena jakin bezain laster, Jesus Cardenal fiskalarengana zuzendu zen manifestazioko ekintzen egileen kontrako jarduera hasteko. Jesus Cardenalek"terrorismoaren apologia" eta Espainiari iraina izan dela adierazi du.Michavilla "terrorismoaren" kontrako legea berritu izanaz poztu da, "Zuzenbide Estatuak horrelako delituak ez baititu zigorgabe uzten", adierazi du Justizia ministroak.