Espainiako Gobernuko Ekonomia ministerioak iragarri du Espainiako bankuek hirugarren erreskate sorta izango dutela. Erakunde independenteak egiten ari diren ikuskaritza amaitzean hasiko litzateke hirugarren erreskate sorta.
Ikuskatzaileen txostenaren emaitzak Espainiako Bankuak aztertuko ditu. Txosten horretan zehaztuko dituzte Espainiako Bankuek zenbateko kapitala behar duten euren egoera onbideratzeko.
Azken emaitzen berri uztailaren 31n emango dute. Txostenaren nondik norakoak jakin arte erreskaterik ez eskatzeko gomendioa egin dio Europak Espainiari.
