Athleticek Bartzelonaren aurka hilaren 25ean jokatuko duen Espainiako Kopako finaleko sarrerak gaurtik hilaren 23ra arte eskuratu ahal izango dira, San Mames futbol zelaiko txarteldegietan. 08:00etatik 14:00etara eta 16:00etatik 20:00etara irekiko dituzte leihatilak.
Zozketan hautatuak izan zirenek jaso ahal izango dituzte sarrerak, eta egunero 1.500 bazkide deitu dituzte, jada zehaztuta dagoen zerrendan. Zozketan, 29.733 zenbakia atera zuen notarioak; beraz, hortik aurrerako 16.999 zenbakiek lortu zuten sarrera: 29.733tik 34.955era eta 1etik 11.777ra.
Partida Madrilen jokatuko da, Vicente Calderon zelaian.
