"Espainiaren batasuna sendotu eta bermatzeko" ituna sinatzea proposatuko dio PPk Zapaterori

Alderdi Popularreko idazkari orokor Mariano Raxoik "Espainiaren batasuna sendotzeko eta bermatzeko" itun bat sinatzea proposatuko dio Espainiako Gobernuko presidente Jose Luis Rodriguez Zapaterori. PPk jakitera eman duenez, proposamena datozen egunetan egingo diote. "Ibarretxeren Planari erantzun bat eman behar zaio. Espainiako herritarren elkarbizitza oztopatzen du Planak, eta ezin dugu onartu. Egoera honi aurre egiteko orduan, Gobernuak gure laguntza osoa izango du", azpimarratu du PPko komunikazio arduradun Gabriel Elorriagak.