Gers departamenduan (Frantzia), Nogarotik hurbil, gertatu bide da ihesa. Polizia iturrien arabera, pistolekin mehatxu egin diete jendarmeei eta hala lortu dute alde egitea.
Poliziako iturriek emandako datuen arabera, bart goizaldean jendarmeek errutinazko kontrol bat zeukaten jarrita Gers departamenduan, Nogarotik hurbil. 03:45 aldera, Renault Kangoo furgoneta bat hurbildu da kontrola zegoen tokira, eta kontrola ikustean buelta emateko saioa egin du. Hortaz ohartuta jendarme bat ibilgailura hurbildu da, eta barruan zihoazen bi lagunetako batek pistolarekin mehatxu egin die.
Furgonarekin alde egitea lortu dute, baina handik hurbil utzi dute ibilgailua eurek oinez alde egiteko. Aipatutako iturrien arabera, bi lagunetako batek auto bat geraraztea lortu du, eta gidaria bera Nogaroraino eramatera behartu du pistolarekin mehatxu eginez. Beste pertsonaren berririk ez dute.
Poliziaren arabera, ETAko kideak ziren kontroletik ihes egin dutenak.
ETAko bi kidek kontrol batetik ihes egin dute Frantzian, Poliziaren arabera
Iruzkinak
Ez dago iruzkinik
Ordenatu
