ETArena omen den zulo bat aurkitu dute Burgosen

Espainiako Poliziak zulo bat aurkitu du Burgoseko (Espainia) Cabañas herrian, eta ETArena dela diote. Poliza iturriek jakinarazi duenez,10 poltsa aurkitu dituzte zulo horretan, eta haietan "ETAk azkenaldian jarri dituen antzeko sei bonba egiteko adina material" zegoen. Lehergailuak urrutitik zartatzeko balio duen aparatu bat ere bazegoela diote. Poliziak jakinarazi duenez, joan zen ostiralean Donostian atxilotutako Iker Olabarrieta, Igor Gonzalez eta Karmelo Lauzirikarekin lotuta dago operazioa.

Ostiralean, Iker Olabarrieta (27 urte), Karmelo Lauzirika (27urte) eta Igor Gonzalez Sola (32 urte) atxilotu zituen Espainiako Poliziak Donostiako Antigua auzoko etxebizitza batean. ETAko ustezko kide izatea leporatzen die Espainiako Poliziak. Hirurak inkomunikatuta daude poliziaren eskuetan, eta Espainiako Auzitegi Nazionaleko epailearen aurrean gaur deklaratzea espero da.

Gaur, Espainiako Poliziak zulo bat aurkitu du Burgosen, diotenez, hiru horien atxiloketarekin lotuta.