ETAri bere iragana gaitzesteko eskatu nahi dio PPk Legebiltzarrean

Antonio Basagoiti PPko buruak esan duenez, bere alderdiak zenbait bilera hasiko ditu Eusko Legebiltzarrean ordezkariak dituzten alderdiekin, mozio baten bidez ETAri bere iragana gaitzesteko eskatzeko. Proposamen hori, gutxienez, PSE-EErekin eta EAJrekin adosten saiatuko dela esan du. "Terrorismoaren amaieran memoria, hitza eta justizia egotea nahi dugu", esan du Basagoitik. Adostasun hori bilatzeko urtarrilean egingo ditu bilerak PPk. Carlos Urkijo parlamentaria, berriz, Arnaldo Otegi eta Bateragune auziko beste bederatzi auzipetuen aurkako kartzela zigor eskaerarekin ados agertu da. PPko bi arduradunek ere Terrorismoaren Biktimen Fundazioak azaroan aurkeztu zuten dekalogoaren balioa goraipatu dute.