Batasunak larunbateko manifestaziora joango dela iragarri ondoren, eskakizun zehatza egin dio Jaurlaritzak Miren Azkarate bozeramailearen bidez: erabaki horren bidez ETAri indarkeria behin betiko uzteko eskatzen dion argi dezala. Azkaratek erantzun argia, jendaurrekoa eta berehalakoa eskatu dio Batasunari, gainerakoan, manifestazioan izateko zilegitasuna galtzen duela iritzita.
Leloaz proposamenak
Batasunaren erabakiaren berri izan ondotik, Javier Madrazo EB-Berdeetako koordinatzaile nagusiak eta Eusko Jaurlaritzako Kontseilu Politikoko kideak, manifestazioaren Bakearen eta elkarrizketaren alde leloari ETAren kontra eranstea proposatu du. "Gizartearen kontrako iraina da Batasunak esatea Bilbora joango dela, Madrilgo atentatutik aldendu ez denean".
PPk, berriz, Juan Jose Ibarretxe lehendakariari eskatu dio bertan behera utz dezala antolatua duen manifestazioa eta beste bat deitzeko, lelo honekin: Denok ETAren kontra, askatasunaren alde.
ETAri indarkeria uzteko eskatzen dion argitzeko galdegin dio Jaurlaritzak Batasunari
Iruzkinak
Ez dago iruzkinik
Ordenatu
